Belçika İsrailin mülki qayıqlara müdaxiləsini qınadı

İsrailin Brüsseldəki səfiri Belçikanın Xarici İşlər Nazirliyinə çağırılıb.

Metbuat.az xəbər verir ki, bu barədə Belçikanın xarici işlər naziri Maxime Prevot belə açıqlama verib. O İsrailin Qəzzaya yardım daşıyan mülki qayıqlara beynəlxalq sularda müdaxilə etməsini qınayıb. Diplomatın sözlərinə görə, aralarında Belçika vətəndaşlarının da olduğu mülki qayıqların heyətinə müdaxilə edilməsi narahatlıq doğurur.

Saxlanılanlar arasında Belçikanın 7 vətəndaşının da olduğunu bildirən Prevot, onların tezliklə ölkələrinə qayıtmasının prioritet olduğunu vurğulayıb. Prevot Belçika vətəndaşlarının Aşdod limanına aparıldıqdan sonra onlara konsulluq yardımı göstəriləcəyini vurğulayıb.