MUBI 1 milyard dollar dəyərləndirildi!

Azərbaycanlı tamaşaçılar üçün də tanış olan MUBI platforması, son investisiya turunda 100 milyon dollar qazanaraq, qiymətləndirilməsini 1 milyard dollara çatdırdı. Bu, 2007-ci ildə türk sahibkarı tərəfindən yaradılan MUBI-nin "unicorn" statusu qazanması deməkdir.

Art-house filmləri və müstəqil istehsalların əsas ünvanlarından biri olan MUBI, kütləvi yayım platformalarında rast gəlinməyən, klassik və ya yenilikçi hekayə quruluşları ilə seçilən filmləri tamaşaçı ilə bir araya gətirir. Ötən il 12 milyon dollara satın aldığı "Substance" filminin 2025-ci il Oskar mükafatlarında 5 nominasiyaya namizəd olması və bir mükafat qazanması MUBI-nin təsirini göstərir.

MUBI sadəcə film yayım kanalı deyil, eyni zamanda yaradıcı istehsalatların gerçəkləşməsinə də töhfə verir. "Unicorn" statusuna çatmasında həlledici rol oynayan son investisiya turu texnologiya dünyasının aparıcı investorlarından biri olan Sequoia Capital tərəfindən aparılıb. Summit Partners və Closer Media kimi nüfuzlu şirkətlər də bu tura qoşulub.

Sequoia tərəfdaşı Andrew Reed, MUBI-nin dünya miqyasında bədii kinoya marağı artırmaq potensialını vurğulayaraq bildirib ki, bu tip layihələrin dünyada nə qədər rezonans doğuracağı haqqında tez-tez suallar alırlar və cavabları isə "düşündüyümüzdən daha çox insanla" olur.

Maliyyə baxımından da uğur qazanmış MUBI, hazırda dünyada 20 milyondan çox istifadəçiyə sahibdir. 15 fərqli ölkədə 400-dən çox əməkdaşı olan şirkət, bu il Kann Film Festivalında nümayiş etdirdiyi "The Mastermind" adlı yeni orijinal istehsalı ilə də diqqət çəkib.