"Stranger Things'in 5-ci mövsümü təxirə salına bilər?"

Çox gözlənilən "Stranger Things" serialının 5-ci və son mövsümünün 2025-ci ildə ekranlara çıxmayacağı barədə xəbər azarkeşləri narahat edib. Serialın prodüserlərindən olan Daffer qardaşlarının son müsahibələrindən birində 5-ci mövsümün yayım tarixinin 2025-ci ildən sonraya qala biləcəyi bildirilib.

Met Daffer, yayım cədvəli ilə bağlı hələlik son qərarın verilmədiyini deyib: "Yayım tarixi və tezliyi kimi məsələlərdə hələ aydınlıq yoxdur. Ona görə də bu barədə danışmağa icazəm yoxdur. Bu məsələni təxminən iki həftə sonra müzakirə edəcəyik. Netflix və bizim üçün bu mövsümü 2025-ci ildə yayımlamaq çox vacibdir, amma bu belə də olduqca çətin bir hədəfdir," - deyə o bildirib.

Bu qeyri-müəyyənlik, "Stranger Things"-in finalını gözləyən tamaşaçıları narahat edib. Serialın 4-cü mövsümü post-prodakşın proseslərindəki çətinliklər səbəbindən iki hissədə yayımlanıb. İndi isə görürük ki, 2025-ci il belə çətin bir hədəf kimi qiymətləndirilir. 4-cü mövsüm may 2022-ci ildə yayımlanıb. Hətta 5-ci mövsüm 2025-ci ilin yazında yayımlanmış olsa belə, iki mövsüm arasında üç illik fasilə olacaq. Bu, tamaşaçıların gözləntilərinin həddini aşara bilər.

İddialara görə, Netflix, Daffer qardaşlarına son məhsulun keyfiyyəti aşağı düşsə də, 2025-ci il hədəfinə çatmaq üçün təzyiq göstərir. Lakin Daffer qardaşları serialın yayım tarixinin təxirə salınması əvəzinə yüksək keyfiyyət standartlarını qorumalı olduğunu düşünürlər.