Valorant Mobilə Gəlir!

Uzun müddətdir gözlənilən Valorant oyununun mobil versiyası, Riot Games tərəfindən rəsmi olaraq təqdim edildi! İlk ön-qeydiyyat prosesi Çində başlayıb. Ancaq indilik yalnız Çin istifadəçiləri müraciət edə bilərlər.

Qlobal çıxış tarixi hələ açıqlanmayıb. Mobil oyun dünyasında böyük maraqla gözlənilən Valorant Mobile, Riot Games’in Tencent şirkəti altında fəaliyyət göstərən Lightspeed Studios ilə əməkdaşlıqda hazırlanır. PC versiyasında önə çıxan 5v5 taktiki döyüş quruluşu, agent əsaslı oyun mexanikası və strateji silah istifadəsi mobil versiyada da öz əksini tapacaq.

Oyun həvəskarları artıq bu versiyanı səbirsizliklə gözləyirlər. Mobil qurğulara xüsusi olaraq hazırlanmış yenidən dizayn edilmiş interfeys və idarəetmə sistemi ilə gələcəyi bildirilir. Android və iOS üçün Valorant Mobil nə zaman satışa çıxarılacağı barədə hələ rəsmi məlumat yoxdur.

Riot, Çin bazarında ilk sınaq dövründən sonra oyunun digər ölkələrdə də oynanmasını təmin etmək üçün çalışacaq. Qlobal beta prosesi və ya erkən giriş dövrü haqqında ətraflı məlumat hələlik verilmir. Bu məlumatlar barədə yeni açıqlamalar oyunun sonrakı sınaq mərhələlərində ediləcək.

Mobil versiyanın texniki xüsusiyyətləri və minimum sistem tələbləri də tezliklə açıqlanacaq. Bəs siz bu barədə nə düşünürsünüz? Yeni oyunun oyunçuların gözləntilərini doğruldacağına inanırsınız?